اه يا بلد
الحلم فيكى ما اتولد
اتسرق
اول ما طلع للنور
اتخنق
بقى كله خدوش وكسور
من الغضب بيفور
بس مسجون
ضعيف
ورا قضبان الخريف
فى دموعه ودمه
غرقان
مسكين
حالف ما يركع لسجان
قلبه بينبض بالحنين
لأولاده وأهله
وأحفاده
ماتوا على رجليهم واقفين
بصدورهم متصدرين
للغدار والخاين
والمشين
ماتوا فى ظهورهم مطعونين
متخونين
حلم لسة رافع راسه
وهو بينزف
حالف ليفضل رافع راسه
وبأمله يلف
قلوب الناس التايهة
الخايفة
ويزرع فيها بكرة جديد
بالايد فى الايد.
No comments:
Post a Comment